तेह्रथुमको म्याङलुङ नगरपालिका १ दाहाल
गाउँमा गुराँस भ्याली आयल ट्रेडर्स प्रालिले नमूना पेट्रोल पम्प सञ्चालनमा ल्याएको
छ।
पाचँ करोड रूपैयाँको लगानीमा निर्माण
गरिएको पम्पको सोमबार म्याङलुङ नगरपालिका नगरप्रमुख संजयकुमार तुम्बाहाम्फेले उद्घाटन
गर्नुभयो । पम्मको उद्घाटन गर्दै नगरभित्र पुन: पम्प खोलिनुले प्रतिस्पदा भई सस्तो र सुलव तरिकाबाट
उपभोक्ताले डिजेल पेट्रोल पाउनेमा विश्वस्त रहेको नगरप्रमुख तुम्बाहाम्फेले बताउनु
भयो ।
पम्पमा ७२ हजार लिटर तेल अटाउने चारवटा
भूमिगत ट्यांकी रहेको संचालक विजय शाहले बताउनु भयो । पम्पमा २४–२४ हजार लिटर क्षमताका
दुईवटा डिजेल ट्यांकी र १२–१२ हजार लिटर क्षमताका दुईवटा पेट्रोल ट्यांक छन् ।
इन्धन ढुवानी गर्ने ट्यांकर समेत ट्रेडर्सको
आफ्नै भएकोले उपभोक्ताले सही परिमाण र गुणस्तरीय तेल जस्तो सुकै अवस्थामा पनि सहज
रुपले पाउने संचालक शाहले बताउनु भयो।
पम्पबाट दैनिक १० हजार लिटर डिजेल र ५
हजार लिटर पेट्रोल बिक्री हुने अनुमान गरिएको छ। पम्पमा चारवटा डिस्पेन्सर र ८ वटा
नोजल छन् । एक पटकमा चारचार गरी ८ वटा सवारी
साधनमा डिजेल पेट्रोल भर्न सकिने प्रालिले जनाएको छ ।
