तेह्रथुम । लालीगुराँस नगरपालिकाको नगरसभा तथा १८ औँ अधिवेशन बुधबार सम्पन्न भएको छ।
नगरपालिकाको सभाहल, बसन्तपुरमा
सम्पन्न अधिवेशनले आगामी आर्थिक वर्षका लागि आवश्यक नीति, कार्यक्रम तथा बजेटका विषयमा छलफल
गर्दै विभिन्न प्रस्तावहरू पारित गरेको छ।
नगरसभामा नगरको समग्र विकासलाई
केन्द्रमा राख्दै शिक्षा, स्वास्थ्य, कृषि, पूर्वाधार, खानेपानी, पर्यटन, युवा तथा खेलकुदलगायतका क्षेत्रलाई
प्राथमिकतामा राखिएको नगरपालिकाले जनाएको छ। साथै, नगरवासीको जीवनस्तर उकास्ने तथा दिगो विकासलाई टेवा
पुग्ने योजनाहरूलाई समेत विशेष महत्व दिइएको छ।
अधिवेशनमा नगर प्रमुख, उपप्रमुख, वडा अध्यक्षहरू, कार्यपालिका सदस्य, नगरसभा सदस्य तथा विभिन्न
सरोकारवाला निकायका प्रतिनिधिहरूको सहभागिता रहेको थियो।
स्थानीय
सरकार सञ्चालन ऐनअनुसार नगरको नीति तथा कार्यक्रम तर्जुमा गर्ने महत्वपूर्ण थलोका
रूपमा रहेको नगरसभाले आगामी आर्थिक वर्षका लागि विकासको मार्गचित्र तय गर्दै १८औँ
अधिवेशन सफलतापूर्वक सम्पन्न भएको नगरपालिकाले जनाएको छ।
